Бырааһынньык тыына илгийдэ
Аан дойдуга саамай хотугу циркэҕэ Таатта талах курдаах уола Виталий Очиров кэнсиэрэ олус көтөҕүллүүлээхтик, дьулурҕатык кэрэ аҥардарга санааларыгар сарыалы саҕан ааста. Ырыаһыт бэйэтэ кэнсиэрин аһан-сабан, чугас дьонун билиһиннэрэн, кинилэр ырыаларын иһитиннэрэн истиҥ киэһэни бар дьонугар бэлэхтээбитэ, бүгүҥҥү бырааһынньык иннинээҕи түбүктээх күн силигин ситэрдэ.
Ийэтэ, Светлана Очирова — Таатта күөрэгэйин аатын ылыан ылбыт, киирии аҕата Ньурба аатырар ырыаһыта Владислав Васильев-Кылыһах, бииргэ төрөөбүт быраата Кеша Васильев, ГУП ОДьКХ отдел начальнига бу кэнсиэр киэргэлинэн буоллулар. Харбалаахтан Хараҕа көһөн кэлэн, дьиэ-уот тэринэн олорор ырыаһыт кэргэнинээн олорбуттара уон төгүрүк сыл буолан баран кырачааннаммыттарын долгуйа иһиттибит.
Дьиктитэ диэн, Виталий сүрэҕин аҥарынаан биир сыл, биир ый ону ааһан биир күн төрөөбүттэр эбит.
Дьоро киэһэ үтүө түмүгүнэн сахалыы куттаах алгысчыт ырыаһыт СР культуратын туйгуна ааты сүкпүтэ буолла.
