Ангелина Файрушинаҕа аналлаах биэрии

Саха телевидениетин «Ис сүрэхтэн…» уочараттаах биэриитэ талааннаах ырыа айааччы, толорооччу Ангелина Файрушина сырдык кэриэһигэр ананна. Кини билигин биһиги ортобутугар баара буоллар, бэс ыйын 6 күнүгэр 50 сааһын туолуо этэ. Ангелина Файрушина олус эрдэ, баара-суоҕа 43 сааһыгар, биһиги кэккэбититтэн туораабыта.

«Ис сүрэхтэн…» биэриигэ кини доҕотторо, үөлээннээхтэрэ, сүгүрүйээччилэрэ кытыннылар, сүрдээх истиҥник күндү киһилэрин аҕыннылар, кэпсээтилэр. Биллэн турар, кини дьиэ кэргэнэ кыттыбыта олус долгутуулаах буолла: 81 сааһыгар сылдьар күн күбэй ийэтэ Ирина Ильинична, кыргыттара Ирена, Розалина, бииргэ төрөөбүттэрэ.

Биэриини Ангелина Файрушина төрөөбүт күнүн көрсө, бэс ыйын 4 күнүгэр (өрөбүлгэ), киэһэ 19 ч. 15 мүн. Саха телевидениетигэр көрөргүтүгэр ыҥырабыт», — диэн суруйар биэриини ыытааччы Георгий Белоусов.