Арай биирдэ

…………………………
Арай биирдэ абааһы
Туораан испит алааһы
Баран иһэн арааһы
Санаан ылбыт абааһы.
………………………….
Мантан чугас алааска
Манан ханан эрэ арааска
Олорор этэ Дьарааска
Киниэхэ баара бырааска.
………………………….

Санаабыт санаа баһыйан
Силин быһа ыйыстан
Сиэлэн барбыт абааһы
Көрдөөн барбыт алааһы.
………………………….
Булан ылбыт абааһы
Дьарааска кыра алааһын
Киирэн кэлбит сараһын
Босхо сиэри- аһаары.
…………………………..
Уолуктаабыт олохтооҕу
Муомахтаабыт ол сордооҕу,
Аҕал диэбит бырааскаттан,
Амсат диэбит ол аскыттан.
………………………….
А то бүтүн бэйэҕин
Мэҥиэстиэҕим диэн сааммыт,
Хайыа баарай Дьарааска
Хостоон биэрбит бырааска.
……………………….
Олор диэбит абааһыны
Маанылаабыт сараһыны.
Манна буолбут малааһын
Баламаттык аһааһын.
……………………
Биир бытыылка тиийбэтэх
Биэс да лаппа биллибэтэх
Сэттэ кэннэ арааһа
Утуйбута абааһы…
……………………..
Арай туран кэлбитэ
Баһа хампы барбыта,
Хаһыытаары гыммыта
Силэ хатан хаалбыта.
………………………
Сыыйа өйдөөн көрбүтэ
Олох атын алааска
Сытар эбит абааһы
Сыыллан кэлбит арааһа.
……………………..
Хайдах манна кэлбитин
Хаһан тахсан барбытын
Саныы сатаан кэбистэ
Кыайан өйдөөн кэлбэтэ
……………………..
Кини да буоллар кыбыһынна
Кини да кирсэ быһынна,
Аргыый тура ыгыһынна
Адаарыйа ыадаһынна.
……………………
Аны хаһан даҕаны
Иһиэм суоҕа аад аһын
Сиргэ сыттын даҕаны
Дуостал тыытыам суоҕа аны…
……………‍♂‍♂‍♂………..
Хас да хонук ааспыта
Ыарыы эмиэ ааспыта
Хаһан этэй диэн ылта
Хайдах этэй диэн буолта.
………………………
Киэһэ борук буолуута
Туман көтөн ааһыыта,
Арай биирдэ абааһы
Туораан испит алааһы….
………..