Бүтэһик чуораан

Дьыл-хонук аастаҕа түргэнин
Оҕолор бу номнуо улаатан,
Бүтэһик чуорааны кэтэһэн
Долгуйа күүтэллэр тыаһыырын.

Бүгүн күн төрөппүт дьонноргут
Эҕэрдэ этээри кэллибит,
Сотору түмүктүүр үөрэххит
Этэҥҥэ ааһыаҕын көрөбүт

Бастакы чуорааны тыаһатыы
Күнүгэр кырачаан этигит,
Уон биирис кылааһы бүтэрии
Боруогун атыллаан эрэҕит,

Мэниктиир оҕо саас үөрүүтэ,
Сыралаах үөрэнии күүрүүтэ
Барыта этэҥҥэ аастылар,
Кылаастар ааннарын саптылар.

Үөрэппит учуутал киһиэхэ,
Уһуйбут кыһаҕыт аатыгар
Куруутун махталла этээриҥ,
Оскуола кэмҥитин санаарыҥ.

Түбүктээх, сыралаах үлэҕэр
Иитээччи, учуутал эҕэрдэ!
Бүтэһик бу чуораан күнүгэр
Барыбыт аатыттан эҕэрдэ!

Өссө да уһуннук үлэлээҥ
Кэнчээри ыччаппыт иннигэр,
Көтүтэн бэлэмнээх атаарыҥ
Дьоһун дьон үүнэрин туһугар!

Эбии аах:

Бэлиэтээһиннэр

Ваш адрес email не будет опубликован.