Тапталлаах сүрэхтэр

Кыталыктар

Харахтар килбиктик хайҕаһан,
Сүрэххэ дьикти уот саҕыллан,
Оо, таптал кустукка дэгэтэн
Аламай сырдыгы бэлэхтиир.

Аан дойду кэрэтэ арыллан,
Айылҕа ырыата лыҥкынаан,
Кэскиллээх эдэркээн сүрэхтэр
Кынаттаах тапталы туойаллар!

Аал уоту оттубут аналлар
Күннэтэ киирсиилээх олоххо
Ыһыктан биэрбэккэ сиэттиһэн,
Тулууру тутуһуох тустаахтар.

Тапталы — күндүттэн күндүнү,
Тапталы — нарынтан нарыны,
Тапталы- уйантан уйаны
Көмүскүү харыстыыр — ытык иэс!

Куочай Маайа

01.03.2017.