Ким кимниин оонньоһор…

Ким кимниин оонньоһор,
Ким кимниин хоонньоһор,
Ким кими таптаабыт,
Ким кимтэн ытаабыт.
Субуллар дьикти түүл,
Субу киир диэн күлэр,
Уон сэттэ саастааҕым,
Уон ахсыс куорпуһум.

Ким кими абылыыр,
Ким кими албынныыр,
Маҥнайгы тапталым,
Манньытар да этиҥ,
Маай ыйа болуоссат,
Ол дьэбир дьаакырга,
Оптуобус тохтоото,
Оо, тоҕоо? тохтоомоо!

Бу өйбүн кыайаҥҥын,
Мин түүлбэр киирдэҕиҥ,
Бу тыалбыт сытыытын,
Бу тимир тымныытын,
Ким кими ахтарый?
Ким кими суохтууруй?
Эт эккэ сыстыһан,
Эйэбин эттэрбин.

Элэккэй майгылаах,
Хараҕар саргылаах,
Эн эдэр эбиккин,
Хос билсэр эбиппин.
Бу дьикти биэрэктэн,
Хаартыскаҥ мичээрэр,
Кэрэҕин, наҕылгын,
Сүрэҕим битийэр.

Ким кими сүтэрэн,
Ый, сулус оҥостор,
Ким кими түүннэтэ,
Түүлүгэр кэтэһэр.
Маанылаах тапталым,
Эн мантан ырааххын,
Аҥаарбын табаммын,
Мин дьоро дьоллоохпун.