Билэҕин дуо, хантан…

Билэҕин дуо, хантан

саҕаланарый тыал?

Онно үөскээбит дииллэр

саамай бастакы тыл.

Биһиги билэбит:

хоту — соҕуруу,

илин  — арҕаа.

Кини бас билэрэ:

СЫРДЫК.

КЫРДЬЫК.

Уонна ХАЛЛААН.

Кыра да бэриллибит

киһиэхэ — хардыы,

Бэйэбит ычабытынан

хаамабыт — хаардыы.

Ким эрэ биһигинэн —

оонньуур,

Суолбутунан туох эрэ

дьиктини ойуулуу

сатыыр.

Эн онно кыһаллыма — ай,

Дьылҕаҕын хас биирдии

дьоллоох түгэни кытта

ыксары баай.

Бу олох доҕоччугум

олус кэрэ,

Хас сарсыарда аайы

күнү кытта төрүүр —

ЭРЭЛ…