Үчүгэйиэн Саас
Саас, Саас кыыс кэрэтиэн
Олохпор кэлбитэ үчүгэйиэн,
Кэлбит эбээт күннэтэ мичээрэ
Ойор күнүм күндүл бэлэҕэ.
Хаарчаана симэҕин устубут
Чараҥҥа тапталы ыллаабыт,
Хаарга сыламы түһэрбит
Күлүктүүн күлсэ оонньообут.
Халдьаайы Сааһы көрүстэ
Ньургуһун дьөрбөтүн уунна,
Сааспыт уйадыйа ыллаата
Уйгулаах уутунан уруйдаата.
Сиккиэр тыаллыын сиэттистэ
Тыллыы тыыныгар кыттыста,
Сэмэйдик үҥкүү үктээтэ
Күөҕүнэн тулатын күндүлээтэ.
Кэрэтиэн Саас кыыс кэлбитэ
Туланы тупсарар ырыата!
Үчүгэйиэн Саас үүнэр үҥкүүтэ
Сайыны түстүүр симэҕэ !
