«Дьаныардаах дьарыкпыт — бар дьоммутугар» быыстапка

Ыам ыйын 12-13 күннэригэр дьоллоох Дьокуускай куоракка Строительнай атыы-эргиэн дьиэтин быыстапкалыыр саалатыгар «Дьаныардаах дьарыкпыт — бар дьоммутугар» диэн ааттаах Горнай улууһун олохтоохторун уран тарбахтаах, дьоҕурдаах дьоннорун «Тиһилик» түмсүүтүн быыстапката турда.

Мас ууһа, норуот талааннааҕа, Мытаахтан төрүттээх Валерий Дьячковскай удьурхайтан, силистэн оҥоһуктара кэлбит дьону сөхтөрдө. Кини идэтинэн суоппар. Араас айаҥҥа сылдьарын тухары оту-маһы кэтээн көрөр,ойууһут харахтаах. Ол уратытын бэйэтин айымньыларыгар көрдөрөр.

Маастардар үлэлэрин дьон-сэргэ хамаҕатык атыыласта, онно эбии үүт-ас атыыланна. Айар үлэҕэ практикум ыытылынна, маастардары кытта көрсөн, ырытыһан «Төгүрүк остуол» ыытылынна.

Быыстапка ыам ыйын 24 күнүгэр диэри турара былааннанар. Кэлиҥ, көрүҥ, кэрэхсээҥ диэн эһигини ыҥырабыт.