Доҕоччугуом

 

Харах дириҥ далайыгар,
Күүрэр көмүс утахтарга,
Ыарык—баттык ыанньыктанар
Ыараан кэлэр санааларга,
Доҕоччугуом, бииргэ буолуох,
Таптал суоһун таала кууһуох,
Ойдон түһэр сылы барыах,
Кыттыһаммыт сыҕарытыах…

Бииргэ сытан куустуһаммыт,
Билгэ түүҥҥэ— сэлэһэммит,
Ааспыт кэммит,ахтылҕаммыт
Оһуор быыһын сэгэтэммит —
Доҕоччугуом, тэҥҥэ тыыныах,
Имэҥнээхтик убураһыах,
Ыйдаах түүнү хараҥардыах,
Тапталынан—ыймахтаныах…

Тэбэр сүрэх биллэ—көстө
Ыга анньар тымырыгар
Кэйэр хаана сүтэ—бүгэ
Дууһа кылын аймыырыгар—
Доҕоччугуом, сэргэх буола
Оргууй наллаан,ыллыы—туойа
Олох дьолун уруйдуохха!
Ойор күнү—айхаллыахха!

  1. Тимофей Шестаков-ЧОХХУРУОС:

    Бу хоһоон дьиҥнээх хоһооҥҥо майгынныыр дуу,эбэтэр кэпсээн дуу?

Бэлиэтээһиннэр

Ваш адрес email не будет опубликован.