Дойдубар саас

Дойдубар саас кэлэн сырдыгын!
Дуоһуйа тыынабын салгынын.
Тулабар кэтэһии чуумпута,
Тыллар тыын, ичигэс иэйиитэ.

Күн күлэн халлааммыт итийдэ,
Курас тыал куттанан иһийдэ.
Кырыа хаар күлүккэ кирийдэ,
Кырдалбыт үөрбүттүү мичийдэ.

Кыстыкпыт этэҥҥэ ааспытын
Кэрэ кэм ааннарын аспытын,
Кэнчээри күөх окко үктэнэн,
Кэрэхсии көрсөбүт үөрүүнэн.

Сааскы кэм сыламын сэргээннэр
Сиэттиһэн эдэрдэр ааһаллар.
Сүрэх чып, битиирин кистээннэр
Сэмэйдик мичиһэн ылаллар!

Эбии аах: