Дойдум ахтылҕана
Суохтуубун күөх солко чараҥым
Сиккиэргэ сипсийэр суугунун,
Ахтабын тэйиччи сылдьаммын
Алааһым мүөттээх көй салгынын.
Көрөбүн харахпын симтэрбин,
Төрөөбүт төрүт буор ыырдарбын,
Түһээммин дойдубар тиийэммин
Суолабар сөтүөлүү киирэрбин.
Бу ааспат, арахпат ахтылҕан
Сүрэхпин ньүөлүтэн ааллаҕа…
Дойдубар курдаттыы тартаран
Ыҥырар, угуйар буоллаҕа.
Суккуйар сүүрүктээх Суолабын
Туохха да тэҥниэхпин билбэппин,
Ырыаҕа- хоһооҥҥо тиһэммин
Кэнэҕэс кэмнэргэ тиэрдиэҕим.
