Дьол чыычааҕа
Сааскы чаҕыл күннэргэ
Сиккиэр тыаллыын сырсарбар —
Дьол, дьол, дьол,
Дьол талымас чыычааҕа,
Мин үрдүбэр битий дуу,
Мин аттыбар чуопчаар дуу!
Самаан сайын устата
Сир быйаҥын сомсорбор —
Дьол, дьол, дьол,
Дьол талымас чыычааҕа,
Мин үрдүбэр битий дуу,
Мин аттыбар чуопчаар дуу!
Күһүн, үөрбүт омуммар,
Кэскил кээһэр түгэммэр —
Дьол, дьол, дьол,
Дьол талымас чыычааҕа,
Мин үрдүбэр битий дуу,
Мин аттыбар чуопчаар дуу!
Кырыа кыһын даҕаны
Кэрэ түстээх түүллэрбэр —
Дьол, дьол, дьол,
Дьол талымас чыычааҕа,
Мин үрдүбэр битий дуу,
Мин аттыбар чуопчаар дуу!
