Эн — миэхэ, мин — эйиэхэ
Абытай уокка имэҥирэ умайан
Отой эйиэхэ таласпаппын,
Ол эрээри түгэҥҥэ, одуулаан,
Ааһар уолчаантан саспаппын.
Эргийэ түһэр эҥинэ дойду
Эйэҕэһэ итииригэр,
Улуутуйа устар, уо, дойду
Уйаҕаһа убууругар…
Эн кистэлэҥ күүһүҥ-
Мин кистэммит күлүүһүм,
Тоҕо эрэ, мин тылым, тоҕо эрэ,
Тыкпыта сыккыстаан эйигиттэн эрэ.
Мин дьиҥмин, бу баарбын,
Минньигэспин, аһыыбын,
Эн көнөҥ, эн сырдыгыҥ,
Эн харыстаан аҕаллаҕыҥ.