Хоһооннор барахсаттар…
Хоһооннор барахсаттар —
оҕолор
Сиэттиһэ сипсиһэ үөрбүттэр,
Холбоһо ханыылыы хаампыттар
Кыттыһа оһуохай туойбуттар.
Хоһооннор барахсаттар — олохтор
Оһуордаах тирэҥсэ ойуулар,
Хоһуйар хонууга түмсэннэр
Олохтон оҥкулун тиспиттэр…
Хоһооннор барахсаттар — кынаттар
Кыттыһар кэрэтин билбиттэр,
Үөрдүһэ үрдүккэ көппүттэр
Көтүһэр үөрүүтүн булбуттар.
Хоһооннор барахсаттар -иэйиилэр
Ырыаны утары ууммуттар,
Биһиэхэ тапталы эппиттэр
Ыллаһар дьолунан туолбуттар.
