Хотугу сир хоһуун дьонугар уруй

Туймаада хочо киэҥ киэлитин хабайар хаба ортотугар Куруһаала атыы-эргиэн киинигэр Хотугу эргимтэ олохтоохторугар анаммыт «Мир Арктики» быыстапка Дьокуускай олохтоохторун биһирэбилин ылыан ылла.

Олус кырыымчык, ыарахан олоххо олорор хотугу хоһуун дьон күнү дьиэлэригэр киллэрэн, дьүкээбил суһумун сүһүйэн ылан, туундара талба симэҕин тарыйан ылан талааннаах тарбахтаахтар таҥаска-сапка, ойууга-дьарҕааҕа тиспиттэрин сөҕө-махтайа көрдүбүт. Хабаровскайтан, Магадантан эмиэ киэҥ атыыны тэрийдилэр. Быыстапкаҕа көрдөххө, кэлиҥҥи кэмҥэ куукула оҥоһуута балачча сайдыбыт, олус тупсаҕай оҥоһуулаах, таҥастаах, симэхтээх элбээбит.

Бу быыстапкаҕа сылдьан баран аҕам ахтыытыгар хоһуйбут «хотугу сир хоһуун дьонугар уруй» диэн тылларын хатылыахпын баҕардым…

 

       

 

Эбии аах:

Бэлиэтээһиннэр

Ваш адрес email не будет опубликован.