Ийэ тыл уостубат аналлаах

Былыргы өбүгэм өтөҕүн аһаммын
Төрүт тыл сүмэтин, хоргунун баһаммын
Хоһулла илиги саҥаны айдарбын,
Астына, дуоһуйа ол онтон дайдарбын
» Дьиҥ саха эбиппин» — дэнэммин сананыам,
Өбүгэм илдьитин тиэрдэргэ ананыам.

Баҕардар таас үйэ саҕаттан төрүттээх,
Ийэ тыл саҕыллан уу саха буоллаҕа
Оо , сахам баай тыла хас эмэ өрүттээх
Үйэни нөҥүөлээн оннутун буллаҕа,
Сахалыы тыыннанан билигин үөрэхтээх
Ыччакка бэриллэн санаата туоллаҕа.

Төрүт тыл — эн өспөт, уостубат тыыннааххын,
Төлөнүҥ саҕыллан күөдьүйэр кыахтааххын,
Ол онтон кыым ылан сахалыы тыынабын,
Астына хоһуйан бар дьоммор уунабын,
Оччоҕо бэйэбин дьоллоохтук сананан,
» Кэллим дуу…»- дэнэбин бу сиргэ ананан.

Эбии аах: