«Күн ньургуһун» ырыа күрэҕэ түмүктэннэ

Республикатааҕы ырыа күнүгэр анаммыт «Күн ньургуһун» диэн Орто дойдуга олус нарыннык ыллаан-туойан ааспыт Александр Дмитриев-Чүмэчи 60 сылынан ырыа күөн күрэһигэр Амматтан, Тааттаттан, Уус Алдантан уонна Дьокуускай куораттан барыта 50-ча киһи кэлэн кыттыыны ылла.

Бу күрэскэ «Истиҥ таптал» кэргэнниилэр дуэттарын, «Ньургуһуну хоһуйуу» хоһоонньуттар түһүлгэлэрин Мэҥэ Хаҥалас улууһун киэҥ-куоҥ мааны алааһыгар «Ураһалаахха» тэрийдилэр.

Кэргэнниилэр вокальнай дуэттарыгар 8 дьиэ кэргэн, хоһооҥҥо холонооччуларга 12 ааптар кыттыыны ыллылар. Сөрүүн күн ырыа түһүлгэтэ нарын дорҕооннору куйуһута оонньообутуттан сылыйбыт курдук тыыннанна. Норуот тапталлаах ырыаһытын ырыаларыттан ыллаан-туойан дипломанынан Нарыйа Иванова (Моорук), Петр Сергучев (Хорообут), Екатерина Ефремова (Майа), лауреаттарынан Галина Стручкова (Төҥүлү), Яна Протопопова (Уус Алдан), Михаил Санников (Дьокуускай) суруллубут бэрээдэгинэн буоллулар. Гран при бирииһин Мэҥэ Хаҥалас Бүтэйдээҕиттэн Ньургуйаана Прокопьева ылла. Дьиэ кэргэнинэн дуэкка Юлия, Иннокентий Портнягиннар (Суотту, Уус Алдан) истээччилэр киэҥ биһирэбиллэрин ылан, бирииһинэн бэлиэтэннилэр.

Чүмэчи Сааска о5олоро аҕаларын аатынан дьиэ кэргэн анал бирииһин биир дойдулаахтарыгар Нарыйа Ивановаҕа туттардылар.

Эбии аах:

  1. Варвара Попова:

    Куонкуруһу тэрийээччи Уйбаан Аргунов ырытан көрбүтүнэн конкурска 28 киһи Чүмэчи Сааска 9 ырыатын ыллаабыт.
    Ол иһигэр «Маҥнайгы тапталбар»- 8, «Эйиэхэ сибэкки биэрээри»- 6, «Биһик ырыата»- 5, » Бу тугуй?» — 3, «Хаар кыраай вальса» — 2 уонна биирдиилээн «Туруйалар», «Умай,умай чүмэчим…», «Бэс ыйа», «Санааҕар тутума» — диэн ырыалары толорбуттар.

  2. Аноним:

    Күөн күрэскэ балаһыанньа мындырдык оҥоһуллара наада

  3. Уйбаан Аргунов:

    Конкурска үгэс курдук икки ырыаны ирдээччибит.Биирэ хайаан да конкурс аатын сүгэр киһи үлэтин сырдатар,тарҕатар аналлаах-кини ырыата,иккиһэ ханнык баҕарар автор ырыатын толоруу.Онон сүнньүнэн, холобур сүүрбэ киһи кыттар конкурсугар автор айбыт ырыалара ылламмыт ырыалар 20-30%-н ылар. Оччотугар конкурска автор биир -икки эрэ ырыата, ону да олус чаҕылхайдык толордохторуна,буолуон сөп. Бу ааспыт конкурска:
    «Маҥнайгы тапталбар»-8,
    «Эйиэхэ сибэкки биэрээри»-6,
    «Биһик ырыата»-5,
    «Бу тугуй?»-3,
    «Хаар кыраай вальса»-2,
    «Туруйалар»-1,
    «Умай,умай чүмэчим…»-1,
    «Бэс ыйа»-1,
    «Санааҕар тутума»-1.
    Барыта 28 ырыа дьүүлгэ турда.
    Бу ырыалартан Гала-концертка алта ырыа киирэри ситистэ.
    Чаҕылхайдык толоруллан — » Биһик ырыата» бастакы буолла.

  4. Уйбаан Аргунов:

    Конкурс сыалын — соругун ситтэ диэҥҥэ сүнньүнэн сөбүлэһэбин курдук эрээри, Сааска ырыатын ис сүрэхтэриттэн биэрэн ыллаабыт дьоммут иккис ырыаларыгар «бүдүрүйэн» сыаналара түһэн ,этэргэ дылы, конкурска хапсыбатахтарыттан хомойобун. Буолаары буолан -сэдэхтик ылланар ,биирдиилээн ылламмыт ырыалары толорооччулар үрдүлэринэн барбытыттан.

  5. Аноним:

    Ааптар ырыатын толоруу оччоҕо ханан эрэ барыстаах буоларын курдук балаһыанньаҕа ыйыллара хайаан да наада. Эбэтэр барыта ааптар ырыатынан буолуон сөп ди.

Хоруйдаа Уйбаан Аргунов Эппиэттээбэппин

Ваш адрес email не будет опубликован.