Күннүк Уурастыырап төрөөбүтэ 110 сылыгар аналлаах

Кулун тутар 11 күнүгэр Е.Ярославскай аатынан судаарыстыбаннай түмэлгэ саха народнай бэйиэтэ В.М.Новиков-Күннүк Уурастыырап төрөөбүтэ 110 сылыгар аналлаах быыстапка аһылынна. Быыстапкаҕа бэйиэт аймахтарын, биир дойдулаахтарын киллэрбит экспонаттара итиэннэ Амма кииннэммит библиотеката бэлэмнээбит кинигэтин быыстапката көрдөрүүгэ туруоҕа.

Көрөөччүлэр болҕомтолорун Уурастыырап суруйар остуола, оонньообут саахымата, рукопистара, наҕараадалара, кэтэ сылдьыбыт көстүүмэ тардыаҕа. Бу ааттаммыт экспонаттар киэҥ көрдөрүүгэ аан бастаан таҕыстылар. Быыстапка аһыллыытыгар СР Бырабыыталыстыбатын бэрэссэдээтэлин солбуйааччы, Үп миниистирэ, К.Уурастыырап үбүлүөйүн тэрийэр хамыыһыйа салайааччыта А.А.Стручков, Е. Ярославскай аатынан түмэл директора Е.С.Шишигин, «Амма улууһа» МТ баһылыга Н.А.Архипов, «Эмис нэһилиэгэ» МТ баһылыга И.И.Пестерев, саха суруйааччылара Н.Е.Винокуров -Урсун, С.А.Попов — Тумат, Д.Ф.Наумов, В.И.Пестерев , о.д.а. кытыннылар. Быыстапка кулун тутар 24 күнүгэр дылы үлэлиир.

Күннүк Уурастыырап айымньыларыгар олоҕуран оҕолор туоска уруһуйдара быыстапкаҕа турдулар. Оҥоһуктары эбии үөрэхтээһин педагога , норуот маастара Тимофеева Матрёна Николаевна салайан оҥотторор. Кэлэн дуоһуйа көрөргүтүтэр ыҥырабыт.

 

Эбии аах:

Бэлиэтээһиннэр

Ваш адрес email не будет опубликован.