Көрсүөх эрэ
Көрсүөх эрэ доҕоччуок
Кэрэ мичээр бэрсиһиэх
Ыра санаа ымыытын
Тутан ылан көтүтүөх.
Күҥҥэ тахсан, күүс ылан
Сирбит ньуурун сылытыах,
Ыйга тиийэн, сандааран
Дьол утаҕын ыймахтыах.
Сулус суолун буламмыт
Сындыыс буолан айанныах,
Дьүкээбили тутаммыт
Дьоҥҥо дьолло бэлэхтиэх
Кустук дьикти өҥүнэн
Сири симээн киэргэтиэх,
Саламанан эргитэн
Аан дойдуну айхаллыах.
Көрсүөх эрэ доҕоччуок,
Таптал уотун уматыах,
Иэйии ыраас уутугар
Күөгэлдьийэ умсаахтыах!
