Кэхтибэт кэрэ
Уйулҕа уйанын уйуһутар
Уурбут-туппут быһыылаах,
Утары көрсүбүтү долгутар
Ураты уран таһаалаах…
Чочуллубут чороон курдук
Чоруун кэрэ бэйэлээх,
Алаарыйар арылы кустук
Тырыбыныыр тырым тыыннаах.
Кэрэчээнэ, чээнэ буолан
Кэрэмэн кэмэ иэйбитэ,
Күндү күннэр күрүллэн
Кый ыраахха хаалтара.
Кэм кэрдиитэ аахсыбат,
Кэрэни да харыстаабат,
Кэлбит бары сааһырар,
Кэхтэр сааһа таарыйар.
Таптыыр эрэ киһи
Күнү бэйэтигэр уматааччы,
Хайа да сааһыгар киһи
Кэрэтэ күөдьүйэн умайааччы.
