Кинилэр ааттара биһиги сүрэхпитигэр үйэ саас өлбөөдүйбэтин 

«Ийэм Татьяна Иевлевна Ордахова  бииргэ төрөөбүт бырааттара, бииргэ төрөөбүт эдьийдэрин, убайдарын  уолаттара, бииргэ төрөөбүт убайдарын кыргыттарын эрдэрэ 1941-45 сс. Аҕа дойду сэриитигэр ыҥырыллан баартара. Барыта 19 киһи барбыта, онтон 4 эрэ киһи тыыннаах эргиллэн кэлбиттэрэ.

Бииргэ төрөөбүт бырааттара:

  1. Чолбодуков (араспаанньата иитиллибит дьонунан) Егор Григорьевич. 1941 сыл күһүн ыҥырыллыбыта. Кэргэнэ Саввинова Анна Игнатьевна 3 кыыс оҕотун кытта хаалбыта – Елена, Марфа, Лиза. 1943 с. олунньу ыйга сураҕа суох сүппүт.
  2. Семенов Григорий Иевлевич. 1942 с. сайын ыҥырыллыбыта. Уола Семенов Юрий Кириллович.

Эдьийдэрин уолаттара:

  1. Дадаров Спиридон Афанасьевич. 1941 сыл күһүн ыҥырыллыбыта. Кэргэнэ, оҕото суох. 19.04.1942 с. Ленинград уобалаһыгар Язвищи диэн сэлиэнньэ таһыгар өлбүт.
  2. Дадаров Тарас Афанасьевич. 1941 сыл күһүн ыҥырыллыбыта. Кэргэнэ, оҕото суох. 13.05.1943 с. Кемеровскай уобалас Прокопьевск куоратыгар госпитальга өлбүт. Пулеметчик.
  3. Тюляхов Егор Иванович. 1942 сыл сайын бастакы хомуурга барбыта. Кэргэнэ Тюляхова Мария Ивановна. Ииппит кыыһа Тюляхова Римма Егоровна. 23.06.1944 с. сураҕа суох сүппүт.
  4. Тюляхов Трофим Иванович. 1942 сыл сайын бастакы хомуурга барбыта. Кэргэнэ Тюляхова Мотрена Тимофеевна 6 уол оҕолоох хаалбыта. Улахан уол 12 лээх, кырата 6 ыйдаах этилэр: Егор, Илья, Гриша, Иван, Николай I, Николай II. Трофим Иванович 22.08.1942 с. Смоленскай уобалас Колодезы дэриэбинэтин аттыгар кыргыһыыга сураҕа суох сүппүт.
  1. Тюляхов Иосиф Иванович. 1942 сыл сайын бастакы хомуурга барбыта. Кэргэнэ Тюляхова Евдокия Никитична уоллаах кыыс оҕолоох хаалбыта. 1945 сыл күһүнүгэр кыайыы кынаттанан эргиллибитэ.
  2. Тюляхов Руф Иванович. 1941 сыл күһүн ыҥырыллыбыта. Кэргэнэ, оҕото суох этэ. 11.1943с. Орловскай уобалас  Жуковка бөһүөлэгэр госпиталга өлбүт.
  3. Сымытов Иннокентий Алексеевич. 1941 сыл күһүн ыҥырыллыбыта. Кэргэнэ Варвара, кыыһа, бииргэ төрөөбүт балта Елизавета Алексеевна хаалбыттара. 08.1942с. Тверской уобалас Большая Коща дэриэбинэтин аттыгар кыргыһыыга өлбүт.
  4. Прокопьев Трофим Николаевич. 1941 сыл күһүн ыҥырыллыбыта. Кэргэнэ, оҕото суох этэ.
  5. Прокопьев Афанасий Николаевич. 1942 сыл күһүн ыҥырыллыбыта. Кэргэнэ, оҕото суох этэ. Сэрииттэн 1946 c. Чехословакияттан сатыы Одессаҕа, онтон Иркутскайга, Өлүөхүмэҕэ сөмөлүөтүнэн, онтон сатыы төрөөбүт Толстойугар кыайыы кынаттанан эргиллибитэ. Кэргэннэммитэ, оҕоломмута.

Убайдарын уолаттара:

  1. Иевлев Гаврил Васильевич. 1942 сыл сайын ыҥырыллыбыта. Кэргэнэ, оҕото суох этэ.
  2. Иевлев Семен Васильевич. 1942 сыл сайын ыҥырыллыбыта. Кэргэнэ, уоллаах кыыс оҕото хаалбыттара.
  3. Иевлев Николай Васильевич. 1944 сыл ыҥырыллыбыта. Сэрии кэнниттэн кэргэннэммитэ, 5 оҕоломмута.
  4. Семенов Петр Семенович. 1941 сыл күһүн ыҥырыллыбыта. Кэргэнэ, оҕото суох этэ.
  5. Семенов Николай Афанасьевич. 1943 сыл сайын ыҥырыллыбыта. Кэргэнэ, оҕото суох этэ.

Бииргэ төрөөбүт убайдарын кыргыттарын эрдэрэ:

  1. Шамаев Егор Егорович. 1944 сыллаахха ыҥырыллыбыта. Кэргэнэ Шамаева Клавдия Семеновна, икки оҕолоох хаалбыта.
  2. Полпудаев Иннокентий Николаевич. 1942 сыл сайын ыҥырыллыбыта. Кэргэнэ Ольга Семеновна, уола Николай Иннокентьевич, рентгенолог врач.
  3. Васильев Семен Федотович. 1941 сыл күһүн ыҥырыллыбыта. Кэргэнэ Васильева Александра Афанасьевна – Тойуктаах Өлөксөөн, кыһыл оҕотунаан хаалбыта. Оҕото ол кыһын өлбүтэ. 12.01.1943с. Ленинградскай уобалас Поречье дэриэбинэ таһынааҕы кыргыһыыга өлбүт.

Бу 19 киһиттэн 4 эрэ киһи сэрии хонуутуттан тыыннаах эргиллибитэ:

  1. Тюляхов Иосиф Иванович. 9 оҕолоох.
  2. Прокопьев Афанасий Николаевич. 5 оҕолоох.
  3. Иевлев Николай Васильевич. 5 оҕолоох.
  4. Иевлев Гаврил Васильевич – кэлэн ый эрэ буолан баран өлбүтэ.»

Бу матырыйаалы аҕам Ордахов Виктор Асапович Улуу Кыайыы 40 сылыгар ийэтиттэн Ордахова Татьяна Иевлевнаттан суруйбут ахтыытыгар олоҕуран, онно Киин байыаннай архыып сибидиэнньэлэрин эбэн суруйдум. Ким аахпыт тугу эрэ эбиэххитин, көннөрүөххүтүн сөп. Телефонум: 8-914-14-37-17, Наталья Викторовна.

Эбии аах:

Бэлиэтээһиннэр

Ваш адрес email не будет опубликован.