Миигин бүтүннүү…
Миигин бүтүннүү
силимнээбиттэр:
Бу сирдиин.
Бу кэмниин.
Эйигинниин.
Салгынныын.
Халлаанныын.
Тэлгэһэҕэ үүммүт
бэстиин.
Туора хаамтыҥ да — далай,
Оччоҕо барыта — им балай.
Хаста миигин
быыһаабыккыный —
доҕорум,
Илиигин ууммуккунуй?
Хостоон таһаарбыккыный?
— махтал.
Миигин бүтүннүү
ситимнээбиттэр:
Бу олохтуун.
Саҕахтыын.
Ардахтыын.
Ыарахан да буолуо
икки аҥы — хайдар.
Кумуччу туттабын,
хаптайабын
тыал куус — астын!
Туох баар куһаҕан барыта
Үрдүбүтүнэн көтөн —
аастын!
Көрдөһөбүн күн — сырдаа!
Ааттаһабын чыычаах ыллаа!
Күөх хонуунан
тэлгэнниннэр —
суоллар!
Ыраахха диэри
тыргылынныннар —
ыллыктар!
Миэхэ баар дьылҕабынан
ойуулаабыт
хартыынам,
Эн биһи олохпут туһунан
салгыҥҥа суруллубут
кэрэхсэбиллээх
киинэм.