Мииринэйгэ хоһоон күрэҕэ

Мииринэй куорат киин библиотекатыгар бэҕэһээ, «Поэзия аан дойдутааҕы күнүгэр», норуоттар икки ардыларынааҕы поэзия фестивалын гала кэнсиэрэ буолан ааста.

Хоһоон күрэҕэр барыта 22 сайаапка киирбит: Мииринэй куораттан, Арыылаахтан, Сунтаартан. Хамыыһыйа ырытан, талан, алта киһиэхэ лауреат үрдүк аатын иҥэрдэ.  Бары Мииринэй куорат олохтоохторо, поэттар. Суруллар тиэмэтэ: олох эгэлгэ өрүтэ.

Бу фестиваль Арассыыйаҕа, Саха Сиригэр аан бастаан ыытылынна.

Хаартыскаҕа хаҥастан уҥа: Сергей Москвитин, Наталья Шикуля, Лива Лувье – Ольга Шаманаева (фестиваль куратора), Валентина Винтер, Ольга Донская, Любовь Сальникова, Елена Антонова.

Бу тэрээһин туһунан арыый киэҥник манна ааҕыаххытын сөп, нуччалыы.