Мин тылым

Былыргы дьыллар мындааларыттан
Быйылгыга тиийэн кэлбит,
Симэлийэн, сүтэн хаалбакка
Сириэдийэн, сайдан испит,
Үүнэр үйэ ахсын үксээбит,
Үгүс сиргэ силис тарпыт,
Көлүөнэ ахсын күөмчүлэммэккэ
Көҥүл тыынынан тыыммыт,
Этэр тыллаах сайа эппит,
Эриэккэс куолас тойук туойбут,
Айылҕаттан айдарыылаах
Алгыыр күүһүн иҥэриммит,
Айыылардыын ситимнээх
Арчылыыр кыаҕын кыайа туппут
Күүстээх тыл, Көҥүл тыл,
Сүдү тыл, Сиэрдээх тыл,
Истиҥ тыл, Иэйии тыл,
Иһирэх тыл, Иччилээх тыл!

13.02.2017

Эбии аах:

Бэлиэтээһиннэр

Ваш адрес email не будет опубликован.