Оҕо саас эргиллэн…
Кустук өҥнөөх оҕо саас
Арылыйар халлаана,
Сибэккилээх хонуута
Силигилээн биллэн аас.
Ойуу- дьарҕаа симэммит
Кырдалларбар сүүрүөҕүм,
Дайар лыаҕы тутаммын
Астынаммын үөрүөҕүм.
Күөрэгэйим дьырылаан
Ырыа- тойук дьиэрэтиэ,
Моҕотойум көһүтэн
Омун- төлөн түһэриэ.
Чомполонор сылаас уу
Ол онно көһүтүөҕэ,
Чүөмпэтигэр бэлэм туу
Байанайдаах күүтүөҕэ.
Киирбэт күнүм эргиллэн,
Күнү мэлдьи тиргиллэн
Оҕо сааспар ыалдьыттыам,
Сайыһаммын атаарыам.
