Олоҥхо дойдутугар айан

Бэс ыйын 5 күнүгэр Таатта улууһун Дьохсоҕон нэһилиэгэр «Олоҥхо дойдутугар айан» диэн ааттаах этнофольклорнай хайысхалаах оҕо сынньалаҥ лааҕыра үлэтин саҕалаата.
Сүрүн сорукпут – норуот тылынан уус-уран айымньытын чыпчаалын – Олоҥхону билсиһии, мындырдаан толкуйдуурга, олоҥхо төрүт өйдөбүллэрин үөрэтии; түөлбэ олоҥхоһута Дарыбыан Дабыыдап төрөөбүтэ 130 сылын көрсө кини айар үлэтин, олоҕун үөрэтии, чинчийии, үйэтитии, оҕону духуобунаска, сиэрдээх майгыга, үлэҕэ иитии уонна сайыннарыы буолар.
Сайын устата араас фольклорнай уонна иитэр-үөрэтэр хабааннаах дьарыктар ыытыллыахтара. Ол курдук маастар кылаастары олохтоох олоҥхоһут, Ийэ олоҥхоһут, П.Решетников-Көһөҥө Бүөтүр аатынан анал бириис хаһаайката, сцена бэтэрээнэ В.П.Харайданова; СР культуратын үтүөлээх үлэһитэ, үтүөлээх оһуохай этээччи, алгысчыт А.Н.Попов; СР үтүөлээх оһуохай этээччитэ И.И.Потапов; хомусчут, сцена бэтэрээнэ В.П Колотинскай салайыахтара. Ону таһынан фольклор араас жанрдарыгар үөрэхтэри А.В. Константинов, Л.А. Попова, эмтээх үүнээйилэри хомуйааччы, олоҥхо сүбэтин чилиэнэ Л.К. Власова ыытыахтара.
Лааҕыр салайааччылара – олохтоох библиотека библиотекара, СР культуратын туйгуна Другина Г.Н. уонна А.С.Федоров авторскай Сиэр-туом «Уһуйуу» үөрэҕин бутэрбит В.Г.Харайданова. Лааҕырга улуус араас нэһилиэктэриттэн оҕолор кэллилэр. Ол курдук Уус-Таатта, Ытык-Күөл, Чөркөөх, Уолба, ону тэҥэ олохтоох Дьохсоҕон оҕолоро.

  

Эбии аах:

Бэлиэтээһиннэр

Ваш адрес email не будет опубликован.