Олоҕум ситимэ

Олоҕум ситиитин өрөбүн
Дьэрэкээн дьүһүннээн хатабын,
Туораттан астына көрөбүн
Сөҕөммүн талбааран хаалабын.

Утаҕын аттаран салҕааммын
Күннээҕи санаабын уурабын,
Бэрийэн ситимин алҕааммын
Синньигэс кылларын туурабын.

Быстыма олоҕум ситимэ
Киэргэтэн уһуннук өрүөҕүм,
Бу манна олоҕум тэтимэ
Ол иһин хатыҥмар сөрүөҕүм.

Удьурҕай аатырбыт дьылҕабар
Үйэлээх силискэ үүнүөҕүм,
Уһуннук көмүскээн тутарбар
Чорууммун көрдөрөн үөрдүөҕүм.

Эбии аах:

Бэлиэтээһиннэр

Ваш адрес email не будет опубликован.