Олоххо араас буолааччы

Олоххо араас буолааччы,
Араас кэлэн ааһааччы.
Үрдүгэр сырдаан турааччы
Сулус оннооҕор сууллааччы.

Ытаа,ыллаа айааччы-
Хоһоон,ырыа таҥааччы.
Суруй онно таарыччы,
Онтуҥ истиҥ буолааччы.

Аҕал диэҕэ ааҕааччы-
Талыы тылы таптааччы,
Мөлтөх диэҕэ малтаччы-
Дьону ордук санааччы.

Үтүө-мааны айымньы
Дьикти тыыннаах буолааччы,
Күнү-дьылы туорааччы
Үйэлэргэ хаалааччы.