Сааскы нуурал киэһэлэргэ «Поэзия киэһэтэ»

Амма улууһун Сатаҕайыгар олохтоох библиотека көҕүлээһининэн «Поэзия киэһэтэ» ыытыллар буолбута төрдүс сыла.
Айар талааннаах оҕолору, улахан дьону түмэн «Аартык» түмсүү салайааччыта, СР культуратын туйгуна Анна Ксенофонтовна Андреева бүгүҥҥү киэһэни саха норуотун тапталлаах поэттара Семен Данилов 100, Күннүк Уурастыырап 110 сылларыгар анаан ыытта .
Олохтоох хоһоон айааччы, Намыына мелодиятыгар » Аргыс ардахтар», Анна Тотонова мелодиятыгар «Суруйбут киһи хаарга » ааптардара Егор Андреев — Хоһуунай айар үлэтин билиһиннэрдэ. Хоһуунай дьонугар-сэргэтигэр бэйэтин хоһоонун ааҕан иһитиннэрдэ. Оҕолор ыйытыыларыгар хоруйдаата, Поэзия алгыстаах хонуутун кэпсээтэ.
Киэһэ олус истиҥник, өрө көтөҕүллүүлээхтик ааста. Ийэ тылга, төрөөбүт дойдуга, төрөөбүт норуокка тапталы эдэр ыччат маннык киэһэлэргэ кутугар- сүрүгэр дириҥник иҥэрэрэ чахчы.