Саха сиригэр Ньукуолун Күнэ
Алгыстаах алаадьы, арыылаах саламаат, байанай бэрсибит кустаах мииннээх — Ньукуолун күнүнэн арчыланыҥ, сайыны алгыы көрсүҥ!
Чурапчыга Мугудай нэһилиэгэр Ньукуолуҥҥа ырыа уонна сааскы булт күнүн ыыттылар. Түмсүүлээх уонна тэрээһиннээх олохтоохтор кус буһаран бар дьоннорун күндүлээтилэр.
Эмиэ Чурапчы улууһугар Хатылы байанайдаах булчуттара нэһилиэк кырдьаҕастарыгар иккилии кус биэрдилэр. Онон бултка сылдьыбатах дьон толору Ньукуолуннуур буоллулар. Үтүө санаалаах булчуттар, байанайгыт куруук маанылыы сырыттын.
