Сайын кэлиэ

Билэбин, сотору сылыйыа
Билэбин, бу түспүт хаар ууллуо
Тыгыалай таммахчаан кылыйыа
Күөх сайын суһуоҕа субуллуо

Ньаассын от хойутаан дьэ тахсан,
Сиэттиһэн сыһыыга сэрбэйиэ
Алааска күөрэгэй барахсан
Дьырылас тойуга дьиэрэйиэ

Сатыылыа сыралҕан куйааспыт
Сибэкки арааһа тыллыаҕа
Күөх суугун быыһыгар кумаарбыт
Дыыгынас ырыатын ыллыаҕа

Быстыбат өҥ-быйаҥ тардыытын
Уйгулаах сайыммыт аҕалар
Дьыл кэмин эргитэр хардыытын
Уруйдаан көрсүөҕүҥ сахалар!

Эбии аах: