Суолаҕа «Сайыны көрсүү»

Мэҥэ -Хаҥалас улууһун Суолатыгар, кулуупка, Мэлдьэхси орто оскуолатын интэринээтэ самаан сайын салаллан кэлбитинэн «Сайыны көрсүү» бырааһынньыгын тэрийдэ.

Сахалыы Аал уоту аһатан, кэлбит ыалдьыттары кымыһынан, арыылаах алаадьынан, саламаатынан күндүлээн арчылаатылар, оһуохайы оройуттан туттулар.

Олег Избеков «Сэгэртэйбэр «, «Бу улуукан киэһэҕэ», Татьяна Иванова «Оҕо сааһым», Андрей Татаренков «Үөрбүччэ» эҕэрдэ ырыалара киэҥ сэҥээриини ыллылар.

Төрөппүттэр, үлэһиттэр көмөлөөн лотерея оонньоттулар. Лотерея барыта сүүйүүлээх — хаһаайыстыбаҕа туттуллар мал. Маны таһынан араас аһы астаан, үнүгэстэри (рассада) атыылаан дьаарбаҥка тэрийдилэр.

Түмүккэ үҥкүүлээн-битийэн нэһилиэк олохтоохторо сүргэлэрэ көтөҕүллэн, дуоһуйа сынньанан тарҕастылар.