Таабырынна таай — 3

Үһүс түһүмэх кыайыылааҕын Этиҥниирэбэни эҕэрдэлиибит, кини иккис таабырыны таба таайан, толкуйдаан, сүрэҕэлдьээбэккэ чопчулаан, барыларын кыайда. Онон приз киниэхэ үөрэ-көтө айаннаата. 

Ыам ыйын 10 күнүгэр, түүн 12 чааска диэри, эппиэттэргитин манна аллараа суруйуҥ. Ким үс таабырыны үһүөннэрин таайбыт, телефонугар 100 солк. киириэ. Ким даҕаны кыайан таайбатаҕына, ол 100 солк. аныгыскы оонньууга көһөр, оччоҕуна иккис түһүмэххэ кыайбыт 200 ылар. Ол курдук салҕана, эбиллэ турар. Барыта сэттэ түһүмэх күүтэр.

1. Суулуу туттахха сүүнэ күүстэнэр баар үһү.
2. Элик бэрдэ оонньуур-көрүлүүр түһүлгэтэ.
3. Бастаах аата баттаҕа суох, харахтаах аата хааһа суох, кутуруктаах аата купчуйбат, атахтаах диэҕи хаампат, кынаттаах диэҕи көппөт баар үһү.