Таабырынна таай — 5

Төрдүс түһүмэҕи хайдах эрэ ыарырҕаттыгыт. Таайыылара манныктар: 1. «Айыы оҕото» диэн тылларга таайыыта бэйэтэ көстө сытар этэ. Чуоҕур эбэтэр ала өҥнөөх сылгы. 2. Мээчиги бары сөпкө эппиттэр. 3. Хаар ууллан сир хараарарын эмиэ сөпкө таайбыттар.

Хомойуох иһин, ким да үс таабырыҥҥа үһүөннэригэр сөптөөх эппиэти биэрбэтэ. Онон бу бэһис түһүмэххэ кыайбыт киһи телефонугар 200 түһүөҕэ.

Ыам ыйын 21 күнүгэр, түүн 12 чааска диэри (өрөбүл күн бүтүөр диэри), эппиэттэргитин манна аллараа суруйуҥ. Ким үс таабырыны үһүөннэрин таайбыт, телефонугар 200 солк. киириэ. Ким даҕаны кыайан таайбатаҕына, ол 200 солк. аныгыскы оонньууга көһөр, оччоҕуна аныгыс түһүмэххэ кыайбыт 300 ылар. Ол курдук салҕана, эбиллэ турар. Барыта сэттэ түһүмэх күүтэр.

1. Кыһыл кулааһай сыппыт сиригэр отут күҥҥэ от үүммэт.
2. Төрдө-төбөтө биллибэттик үүнэр баар үһү.
3. Икки игирэ куотарын атын икки ини-биилэрэ, сиппэтэллэр да, сырса оонньууллар үһү.

Эбии аах:

  1. Суорун:

    Кутаа онно
    Кустук, ый
    Сылгы туйахтара

  2. Ябловская Кристина:

    1 уот Онно
    2 дьыл
    3, туерт туйах

  3. СахаИмхолайк:

    Дорооболоруҥ, бастыҥ таайааччыларбыт! ))) Ким да сөптөөх эппиэти биэрэ илик!

  4. Этиҥниирэбэ:

    1. Кутаа, кулуһун онно
    2. Хоп-сип
    3. Сылгы, ынах сүөһү, таба кыыл олуга

  5. Этиҥниирэбэ:

    1. Кутаа, кулуһун онно
    2. Сыана
    3. Сылгы, ынах сүөһү, таба кыыл олуга

Хоруйдаа Ябловская Кристина Эппиэттээбэппин

Ваш адрес email не будет опубликован.