Метки: Айылҕаана

Ала буркун ытыллан Ала кулун төрөтөн, Тоҥорбута кусчуту Торбостууру элбэтэн. Быйыл иэһи төлөөннөр Бултаан алтаан бүппүттэр, Тыммыы тугун умнаннар Түннүгүнэн көрбүттэр.

Ньукуолун бу кэллэ Хатааһын бүппэтэ Сайыммыт билгэтэ Кэҕэбит эппэтэ. Хахсаат тыал силлиэтэ Хаарынан бүрүйдэ Ньургуһун үлүйдэ Харааран мэлийдэ. Ол сылга баччаҕа Ол оннук буолта диэн Кэнэҕэс ахтылла Кэпсээҥҥэ сылдьыаҕа. Сыл хонук, дьыл араас Аастаҕа...

Былытырбыт, бүдүгүрбүт Тоҥмот эбит бадараана, Бултуйдаҕа бөөлүүн, кусчут Тибигириир,тыаһыыллара. Сааһыт этим, оҕо сааспар Сирдиир этэ, булчут аҕам, Сааһым ылан, сэнэх аастар Сааһын тиллэр, бултуур баҕам. Сураһабын, булчуттары Кэрэхсиибин кэпсээннэрин, Тэрийэбин уолаттарбын Кэтэһээри кэлэллэрин.