Иһийэбин, иһиллиибин Испэр иэйэ иҥэрэбин. Истиҥ тылы сэҥээрэбин, Ийэ куппун бүөбэйдиибин. Ымсыырабын, ыллаһабын Ыраас санаа ырыатыгар, Ыра гынан талаһабын. Ыраах сулус чаҕылыгар. Чуумпурабын, уоскуйабын, Наҕыл, бигэ эрэлтэн, Чуопчаарабын, уйгуурабын Нарын иэйии имэҥиттэн.
Олохпут симэҕэ оҕобут Оһуордуур күннэтэ сыдьаайа, Кып-кыра бэйэтэ мичийэн, Киэргэтэр бэйэҕин туотайан. Минньигэс сирэйэ мыттыйан Абылыыр ыраахтан сыдьаайан. Чуубургас саҥата кутуллан, Чугдаара ыҥырар чуопчааран. Күөх халлаан ньуурунуу ып- ыраас, Күндэлэс күммүннүү сып-сылаас. Олоҕум киэргэлэ...
Дойдубар саас кэлэн сырдыгын! Дуоһуйа тыынабын салгынын. Тулабар кэтэһии чуумпута, Тыллар тыын, ичигэс иэйиитэ. Күн күлэн халлааммыт итийдэ, Курас тыал куттанан иһийдэ. Кырыа хаар күлүккэ кирийдэ, Кырдалбыт үөрбүттүү мичийдэ. Кыстыкпыт этэҥҥэ ааспытын Кэрэ кэм...