Талааннаах киһи барытыгар талааннаах

Дьокуускай куоракка ыытылла турар Нам улууһун күннэрин чэрчитинэн тэриллибит быыстапкаҕа «Удьуор уус Татариновтар» түөлбэҕэ хоһооннорунан бассаап ситимигэр киэҥник биллибит Удьурҕай — Алексей Татаринов аймаҕынан кытынна. Кини хоһоон айарын таһынан маһынан, тимиринэн уһанар, сиэлинэн дьарыктанар. Бииргэ төрөөбүттэр бары талааннаах дьон. Балта Дария Намнааҕы педколледжка ойуулуур- дьүһүннүүр искусство преподавателэ, быраата Анатолий көмүс, мас, тимир ууһа. Эдьиийдэрэ Елизавета баттах кырыйааччы идэлээх, ону таһынан талааннаах илиилээх- айылҕа бары матырыйаалыттан араас кэрэни айар.
Алексей аҕатын бииргэ төрөөбүттэрэ Мария Алексеевна, Мария Гаврильевна эмиэ дьонноругар- сэргэлэригэр биллэр иистэнньэҥнэр, уруһуйдьуттар, туоһу, кылы, оҕуруону баһылаабыт дьон.
Бу дьиэ кэргэҥҥэ күтүөттэр, кийииттэр эмиэ талааннаахтар: Валерий техниканы билэр, маастар, Марианна уруһуйдуур.

Хаартыскаҕа тураллар: күтүөт Валерий, Дария, Анатолий, Алексей, кийиит Марианна. Олороллор : Мария Алексеевна, Мария Гаврильевна, Елизавета Игнатьева.