Туллук санаам
Тутан ылабын туллук санааны
Куоттарбатах киһи ыраас иэйиини,
Ытыспар түһэрэн ыллатан бардарбын
Сүрэҕин иэйиитин иҥэрэн үөрдэрбин.
Сэрэнэ сэрэйэ сирийэн көрдөрбүн
Этиллибэт кистэлин таба таайдарбын,
Тырым ырыатын кылын тыыттарбын
Кыттыһар кэрэтин ойуулаан ылларбын.
Оччоҕо иэйиим кынаттанар дьоллонуо
Ыраас хаардыын ыллаһар кыахтаныа,
Кыттыһар чуумпуга санаам уһуктуо
Ырыа чыычаахтыын күөрэйэ көтүһүө.
