Тыастан дорҕоон, онтон — тыл

Ыам ыйын 14 күнүгэр «Айар Кут» бөлөх СӨ СС чилиэнэ, СӨ култууратын туйгуна, «Күрүлгэн » уус-уран сурунаал, «Кыым» хаһыат «Кулуһун » уус-уран сыһыарыытын дьаһабылларынан үлэлиир Афанасий Гаврильевич Гуриновы-Арчыланы кытары көрүстүбүт.

Бу көрсүһүүгэ Арчылан тыастан дорҕоон, онтон тыл үөскээһинин олус ыпсарыылаахтык, холобурдарга олоҕуран тэнитэн, ырытан кэпсээтэ. Тылы үөрэтэр дьон араас ыытар эксперименнэрин, чинчийиилэрин түмүгүн мустубут дьон сэҥээрэн иһиттибит, бэйэбит эмиэ кыттыһан чинчийистибит.

Саха тылыгар Өксөкүлээх Өлөксөй сөбүлээн туттар «картинные слова» диэн ойуулуур- дьүһүннүүр тыллар баалларын, эмиэ биһиги докторбыт Николай Климович Антонов оҥорбут аһаҕас дорҕоон куубун билэн сөхтүбүт. Икки чаас устата элбэҕи биллибит, саҥаны арыйдыбыт, » Тыл — биир куйаар, биир байҕал» буоларын итэҕэйдибит.

Киэҥ дириҥ билиилээх суруйааччыбытыгар Арчылаҥҥа махталбыт муҥура суох, бары саҕалааһыныгар үрдүк ситиһиилэри, дьиэ кэргэнигэр дьолу баҕарабыт.