Тырымнас тыллары хатылаа…


Олус истиҥ киэһэ Саха театрыгар кулун тутар 11 күнүгэр буолан ааста.
Оҕо сааспыт биһигэ буолан ылламмыт нарын ырыалардаах Галина Шахурдина «Ытыскыт тыаһыгар уйдаран» саҥа ырыанньыгын сүрэхтэниитэ толору саала көрөөччүнү муста. «Комсомолга киирбит күнүм» ырыаҕа чопчуламмытынан көрөөччү барыта кэриэтэ комсомол аатын сүгэ сылдьыбыт эбит.

Бу киэһэ кини ырыатын толордулар: Сардаана Осипова, Василий Еремеев, Антон Иванов, Иван Прибылых, Розалия Тихонова, Елизавета Попова, Олимпия, ону таhынан Хатастан, Тулагыттан, Хамаҕаттаттан ырыа, үҥкүү бөлөхтөрө.

Төрөппүттэрбититтэн биһиги көлүөнэҕэ, онтон оҕолорбутугар хит буолан ылланар ырыаларбыт айыллыбыттара номнуо 45-46 сыл буолбут.

Останкиноҕа тиийэ ылламмыт «Балыктаах киэһэтэ» ырыа хоһоонун автора Павел Габышев ыалдьыттааһына — дьикти киэһэ биир дьоһун бэлэҕэ буолла!

Эдьиийбитигэр, биир дойдулаахпытыгар Галина Никитичнаҕа барҕа махтал.

Эбии аах:

Бэлиэтээһиннэр

Ваш адрес email не будет опубликован.