Улуу Өксөкүлээҕи санаан…
Ханнык уустар күөртэрэ
Хатаран-үрэн күүрдэҕэй,
Хараан кэмнэр күннэрэ
Халлаан үөһэ көттөҕөй…
«Саха тылын өрө тутан
Суол тэлэн сирдээбитэ,
Сарсыҥҥыны өтө көрөн
Саргы түһүн түстээбитэ,»-
Сырдык-хараҥа быыһыгар
Дьол сандаарда, чыпчылҕан!
Суостаах тыынтан быыһанар
Дуорайда тыл-чаҕылҕан!
Уо, ити ким кулгааҕар
О, иһиллэн ылбытай,
Күн Дьөһөгөй туйаҕар
Көй салгын уулбутай…
Бар дьоҥҥун харыһыйа
Борук-сорукка аастаҕыҥ,
Бэл, Куйаар амалыйар
Бэлэх-илдьиккэр махтанабын…
