Бүлүүгэ композитор Марк Жирков төрөөбүтэ 125 сылын бэлиэтииллэр
Бүлүү куоракка саха бастакы идэтийбит композитора, бүлүүлэр киэн туттар биир дойдулаахтара Марк Николаевич Жирков төрөөбүтэ 125 сылын бэлиэтиир үөрүүлээх тэрээһиннэр буола тураллар.
Ол курдук бэҕэһээ, муус устар 8 күнүгэр, сарсыарда өттүгэр Марк Николаевич төрөөбүт дьиэтигэр мемориальнай доска арыллыыта буолла, ол кэнниттэн кини скверигэр сибэкки дьөрбөтүн уурар үөрүүлээх митинг ааста.
Бу тэрээһиннэргэ кыттыыны ыллылар ыҥырыылаах ыалдьыттар: СР культуратын уонна духовнай сайдыытын министрин солбуйааччы, РФ уонна СР үтүөлээх артыыһа Марина ВладимировнаСилина , Суорун Омоллоон аатынан Опера уонна балет театрын симфоническай оркестрын дирижера Алексей Платонович Унаров, СР саамай эдэр профессиональнай композитора, биһиги биир дойдулаахпыт Николай Алексеевич Михеев уо.д.а.
Тэрээһиннэр үрдүк таһымнаахтык са5аланнылар. Сылаас, сырдык күҥҥэ элбэх киһи-аймах Марк Николаевичка сугуруйэн туран үбүлүөйүн бэлиэтии кэлбиттэр. Сибэкки дьөрбөтүн уурбуттарын кэнниттэн кэлбит дьон бары «Төрөөбүт дойду туһунан ырыаны» толордулар, оҕолор халлааҥҥа шариктары ыыттылар.
