Сайын иһэр
Күүлэм аанын аһааппын
Күүтэн туран ким кууһар,
Сымнаҕас уоһа сыстан ылаат
Сыллаан-уураан ааһар.
Бэҕэһээ киэһээҥҥи түптэ сыта
Салгын устун тарҕанар,
Баччырбыт ардах былыта
Саккыраан иһэн тардынар.
Илин-кэлин кэбиһэр
Иилиммит киммит иһэр,
Бөҕөх, бастыҥа, ытарҕа-
Баайыын, киэркэйэр айылҕа.
Солко тыаһа суугунаан,
Сайбалдьыйа суһумнаан
Сайын, сайын иһэр,
Сайгыччы санаа тыынар…