Күнтэн күүс ылан
Күлүмнэс күн уотун ыламмын,
Тулабар кыымнарын ыһаммын
Эрчими эбинэн тилинним,
Чап- чараас кынаты иилинним.
Мин санаам көҥүлгэ күөрэйдэ,
Алыптаах иэйиигэ киллэрдэ,
Айылҕам ырыата дьиэрэйдэ,
Бу сиргэ дьоллоохпун биллэрдэ.
Сырдык күн мөһүүрэ дьиримэ
Эргийэ үҥкүүлүү оонньоото,
Сарпа кыым утаҕын күлүмэ
Кыттыһан хаар ньуурун оймоото.
Саас кэлэн кынаттаах эбиппин,
Бу күнтэн дьоллоно үөрэбин,
Олоҕу хаһан да сирбэппин,
Ол иһин астына дайабын.
