Сөбүлээн дьарыктанабыт
«Үһүс көлүөнэ оскуолата» иһинэн үлэлиир литературнай гостинай чилиэннэрэ муус устар 24 күнүгэр Нам улууһугар тахса сырыттыбыт.
Билигин Намҥа барыта 14 араас хайысхалаах куруһуок үлэлиир. Биһиги тиийэрбитигэр иис куруһуога буола турара, ону көрөн, билсэн, хоһоон ааҕан, ол кэнниттэн музейга, Олоҥхо дьиэтигэр сылдьан, олус элбэх саҥаны көрөн, баай, тупсаҕай оҥоһуулааҕыттан сөҕөн-махтайан киирдибит.
Биһиги литературнай көстүүнэйбит саха тылын уонна литературатын учуутала Мария Егоровна Степанова салайыытынан төрдүс сылын үлэлиир. Уонтан тахса буолан нэдиэлэҕэ биирдэ араас теманан дьарыктанабыт, быйыл Сайаны, Саргы Куону, Августина Лонкунованы кытта көрсүһүүлэр тэриллэн ыытылыннылар. Бэйэбит айымньыларбытынан кинигэ таһаарбыппыт, өссө былаанныыбыт. «Эрчим», «Чэбдик» профилакторийдары кытта ыкса үлэлээн кэнсиэрдээччибит, хоһооннорбут киэһэлэрин тэрийэн ыытааччыбыт.
