Тапталы туойуохпун баҕардым
Уран уус туппутун кэриэтэ
Чочуонай таһааҕын көрөммүн
Иэйиибин илбийэн ыламмын
Тапталы туойуохпун баҕардым.
Үрүҥ күн күлүмнүүр уотунуу
Сырдатар эн сырдык мичээргин
Сурукпар нарылаан тиһэммин
Тапталы ыллыахпын баҕардым.
Толбоннуу субуллар суһуоххар
Дьэрэкээн кустугу буламмын
Сүрэхтиин тэтэрэ кыыһаммын
Тапталы кэпсиэхпин баҕардым…
