Семен Данилов 100 сааһыгар

1. Кулун тутар 20 күнүгэр Бэрдьигэстээххэ Семен Данилов 100 сааһын бэлиэтиир тэрээһиннэр аастылар. Нэһилиэк баһылыктара поэт хоһооннорун аахтылар, куораттан кэлбит суруйааччылар Семен Данилов туһунан ахтыы оҥордулар, бэрт элбэҕи кэпсээтилэр, тэрээһиҥҥэ Хаҥалас улууһуттан делегация кытынна. Бырааһынньыгы түмүктээн, ыалдьыттары концерка ыҥырдылар.

Киин куоракка Семен Петрович Данилов аатынан ааттаммыт уулусса баар, ону таһынан кини аатын Горнайга Бэрдьигэстээх орто оскуолата сүгэр. Поэт төрөөбүт сиригэр, Мытаахха, народнай суруйааччылар бырааттыы Семен уонна Софрон Даниловтарга анаммыт литературнай музей үлэлиир. Дьокуускай куоракка Семен уонна Софрон Даниловтарга памятник туоруохтаах диэн сурах баар. Скульптор Семен Прокопьев ол памятник эскиһын оҥорбута интернекка көстен ааһааччы.